ސެޕްޓެމްބަރ 11 ގެ ޙަމަލާގައި ތަފާތު ހައިރާން ކުރަނިވި ކަންތައްތައް ދިމާވެފައިވުމުން އެކަމަކީ ޔަހޫދީން ކުރި ކަމަށް ބުނެ އަދި ހޮހޮޅައެއްގެ ތެރޭގައި ތިބި ބަޔަކަށް އެފަދަ ޙަމަލާއެއް ނުދެވޭނެ ކަމަށް ބައެއް ފަރާތްތަކުން ދައްކާ ވާހަކަތަކަކީ އިސްލާމީ ތާރީޚް ނުއެނގި ތިބެ ދައްކާ ވާހަކަތަކެކެވެ. އެހެނީ ﷲ ތަޢާލާ އެއިލާހުގެ މުޖާހިދުންނަށް ހުރިހާ ޒަމާނެއްގައި ވެސް ކަރާމާތްތަކާއި އިންސާނުންގެ ބުއްދިއަށް ނުވިސްނޭ އެތައް ގޮތަކުން މަދަދުދެއްވަވައެވެ. ނަބިއްޔާ (صلى الله عليه وسلم) ޒަމާނުގައި މުޖާހިދުންނާއި އެކު މަލާއިކަތް ބޭކަލުން ހަނގުރާމަ ކުރެއްވިކަން އަހަރުމެން ކިޔަނީ އޭރުގައި ހިނގި ފަލްސަފާ ވާހަކައެއް ކިޔާލާ ފަދައިން ހެއްޔެވެ؟ މުޖާހިދުންގެ ބަނޑުހައި ހޫނު ކަން ފިއްލެވުށްޓަކައި ބޮޑު މަހަކުން ކާން ދެއްވި އިލާހު މިއަދުވެސް ހަމަ މުޖާހިދުންނަށް މަދަދު ނުދެއްވާނެތޯއެވެ؟ އަބޫ އުބައިދާ ބިން ޖައްރާޙް ލަޝްކަރާއިގެން ކޯރު ހުރަސް ކުރެއްވި ވާހަކަތަކަކީ ފްލޯކު ވާހަކަތައް ހެއްޔެވެ؟ އިސްލާމީ ސީރަތް ވަނީ މިފަދަ ކަރާމާތްތަކުން ފުރިފައެވެ. އެހެން ކަމުން މިއީ ހަމައެކެނި އެ ޒަމާނުގެ މުސްލިމުންނަށް ﷲ ދެއްވި ކަންތައްތަކެއް ހެއްޔެވެ؟ ނޫނީ ހަމައެކަނި އޭރުގެ ތަޤްވާވެރިންނަށް ﷲ ދެއްވި ކަރާމާތްތަކެއް ހެއްޔެވެ؟ މިއަދުވެސް އެފަދައިން ﷲ ގެ މަގުގައި ގަދައަޅާ މަސައްކަތް ކުރާ ތަޤްވާވެރިން އެބަތިއްބެވެ. މިއަދުވެސް މުޖާހިދުން އެބައިމީހުންގެ މައިދާން ތަކުގައި އެތައް ކަރާމާތްތަކެއް ދެކެމުން އެބަދެއެވެ. ދުނިޔޭގައި އޮތް ޓެކްނޮލޮޖީއާއި ބާރުގެ ގޮތުން އެންމެ ވަރުގަދަ ބާރު ކަމަށް ދަޢުވާ ކުރާ އެމެރިކާ މި މަދު މުޖާހިދުންގެ ކުރިމަތީގައި ކުޑަކަކޫ ޖެހޭ ކަމީ މިއަދު ފެންނަށް އޮތް އެންމެ ބޮޑު ކަރާމާތެވެ. ކޮންބައެއްގެ އަތުން ހެއްޔެވެ؟ އެއްކަލަ އެ ބުނާ ހޮހޮޅަތަކުގައި އުޅެމުންދާ ނިކަމެތި މުޖާހިދުންގެ އަތުންނެވެ. މައިދާން ތަކުގައި ނުހަނު ގިނަ ގުނަ ކަރާމާތްތައް ﷲ މުޖާހިދުންނަށް އެބަދައްކަވައެވެ. އެގޮތުން ޝަހީދުންގެ ގައިން މީރުވަސް ދުވުމާއި ބަޝާރަތުގެ ޚަބަރުތަކައިގެން ނަބިއްޔާ (صلى الله عليه وسلم) ހުވަފެނުގައި ފެނުމާއި ޙޫރުލްޢީނުން ފެނުމަކީ މައިދާން ތަކުގައި ޢާއްމުކަމެކެވެ. ނަމަވެސް މިފަދަ ފޮނިކަމެއް ނުދެކޭ ބަޔަކަށް މި ކަންކަން ޙަޖަމް ކުރުމަކީ ވަރަށް ދަތި ކަމެކެވެ.
ސެޕްޓެމްބަރ 11 ގެ ޙަމަލާގައި ބައިވެރިވި އެއް އަޚް (ޕެންޓަގަން އަށް އަރުވާލި ފްލައިޓުގެ ޕައިލެޓް) އެދުވަހު ޙަމަލާ ދިނުމަށްޓަކައި އެމެރިކާގެ އެއަރ ޕޯރޓުން ފްލައިޓަށް އަރަން އުޅުމުގެ ތެރޭގައި އެއަރ ޕޯރޓުން އޭނާގެ ޖީބުގައި އޮތް ރޭޒަރުތިލަ ސެކިޔުރިޓީ ކެމެރާއިން ފެނުމުން ޝައްކުވެގެން އޭނާ އިތުރަށް ޗެކް ކުރުމަށްޓަކައި ހިފެހެއްޓި އެވެ. ނަމަވެސް ﷲ އޭނާ ސަލާމަތް ކުރެއްވީ ކޮންފަދައަކުން ހެއްޔެވެ؟ ސެކިޔުރިޓީގައި ހުރި މީހާއަށް ކަސްބީ އަންހެނެއް ހަނާ އަޅާލުމުގެ ސަބަބުންނެވެ. سبحان الله! ޢަޖައިބު ނުވޭ ހެއްޔެވެ؟ މި ހާދިސާ ކިޔައިދިނީ ޚުދު އެ ސެކިޔުރިޓީ މީހާގެ ދުލުންނެވެ. ނަމަވެސް ﷲ ގެ މި މަތިވެރި ބަޠަލުގެ މަޤްޞަދު ޙާޞިލުވުމަށް ފަހު އެވެ. މީގެ އިތުރުންވެސް މި ޢަމަލިއްޔާތުގައި ﷲ ތަޢާލާގެ މަދަދު ވާކަން ހާމަވާ އެތައް ކަމެއް ހިމެނިފައިވެއެވެ. ﷲ ވަޙީ ކުރައްވަނީ
…”وَمَا يَعْلَمُ جُنُودَ رَبِّكَ إِلا هُوَ“…
”އަދި ކަލޭގެފާނުގެ ވެރިރައްބުގެ ލަޝްކަރު، އެ އިލާހު މެނުވީ ދެނެވޮޑިގެން ނުވެއެވެ.“[މުއްދައްޘިރް: 31]
އެ ގޮތުން މި ޢަމަލިއްޔާތުގެ ކުރިން ޢަމަލިއްޔާތުގައި ބައިވެރިވި އަޚުންނަށް އެތައް ބަޝާރަތު ތަކެއް ފެނިފައިވެއެވެ. އަދި އެ ޢަމަލިއްޔާތުގެ ކުރިން އަފްޣާނިސްތާނުގެ މުޖާހިދުންނަށް ވެސް ހައިރާން ކުރަނިވި ހުވަފެންތައް ފެނިފައި ވެއެވެ. އެ ގޮތުން މި ޢަމަލިއްޔާތުގެ އެއްވެސް މަޢުލޫމާތެއް ލިބިފައި ނުވާ އަޚުންނަށް މިފަދަ ކަމެއް ވާން އުޅޭ ކަމުގެ ބަޝާރާތްތައް ލިބެމުން ދިޔައެވެ. އޭގެތެރެއިން ބައެއް އަޚުންނަށް ފެނުނު ހުވަފެންތަކުގެ ތެރޭގައި ޖިބްރީލް (عليه السلام) އެކަލޭގެފާނުގެ ފިޔަފުޅުން އެމެރިކާގެ ޓްވިން ޓަވަރު ބިމާއި ހަމަކޮށްލާ މަންޒަރު ފެނުނު ހުވަފެން މަޝްހޫރު ވެފައިވެއެވެ. މި ހުވަފެން ވެސް ފެނިފައިވަނީ ޢަމަލިއްޔާތުގެ އެއްވެސް މަޢްލޫމާތެއް ލިބިފައިނުވާ އަޚަކަށެވެ. މިއީ ހައިރާންވާންވީ ކަމެއް ނޫނެވެ. ﷲ އީ އެދުވަހުގެ ވެސް އިލާހެވެ. މިއަދުގެ ވެސް އިލާހެވެ. އެދުވަހުވެސް ކިޔަވަމުން ދިޔަ ޤުރުއާނަކީ މިއަދުވެސް ކިޔަވަމުންދާ ޤުރުއާނެވެ. އަދި ﷲ ގެ މަގުގައި އެ ދުވަހު ތިބި މުޖާހިދުންނަށް މަދަދު ދެއްވި އިލާހަކީ މިއަދު ވެސް މުޖާހިދުންނަށް މަދަދު ދެއްވާ އިލާހެވެ. ހައިރާންވާނީ މިފަދަ މައިދާނަކަށް ފިޔަވަޅު ވެސް ނާޅާ ތިބެ މުޖާހިދުންނަށް ކުޑައިމީސް ބަސް ބުނުމުގައި އަވަސްވެގަންނަ ދޫތަކެވެ. ﷲ އެފަދަ މީސްތަކުންނަށް ހިދާޔަތް ދައްކަވާށި.
ސެޕްޓެމްބަރް 11 ގެ ޙަމަލާގައި ބައިވެރިވި އަބްޠާލުންގެ ގެ ތެރެއިން ބައެއް އަޚުންގެ ވަޞިއްޔަތްތައް ވެސް ވަނީ މުޖާހިދުން މީޑިޔާއަށް ހުށަހަޅައި ދީފައެވެ. އަދި މިކަމުން އެކަނިވެސް މިއީ މުޖާހިދުން ހިންގި ޢަމަލިއްޔާތެއް ކަމުގައި ޤަބޫލުކުރަން ފުދެއެވެ.
މުޖާހިދުންނަކީ އެބައިމީހުންގެ ހަނގުރާމައިގެ އުކުޅެއްގެ ގޮތުން ވެސް މުސްލިމް އުއްމަތަށް މިވަރުގެ ބޮޑެތި އޮޅުވާލުން އޮޅުވާލާ ބައެއް ހެއްޔެވެ؟ އިސްލާމީ އުއްމަތަށް ބޭވަފާތެރިވެފައިވާ ބައެއް ޢިލްމުވެރިން ފަދައިން ދުނިޔޭގެ ޢިއްޒަތާއި ޝަރަފަށްޓަކައި ދީން އައްޑަނައަކަށް ނަގައިގެން އަމިއްލަ ފައިދާތަކެއް ޙާޞިލުކުރަން އުޅޭ ބައެއް ހެއްޔެވެ؟ އެ މުޖާހިދުންނަކީ ﷲ ދީނަށް ނަޞްރު ދިނުމަށްޓަކައި އެބައިމީހުންގެ ނަފްސުތައް ކުދިކުދި ކޮށްލުމަށް ނިކުތް މަތިވެރި އަބްޠާލުންނެވެ. އަދި އެ ބައެއްގެ ޙައްޤުގައި އިސްލާމީ އުއްމަތް އަބަދުމެ ފަޚުރުވެރިވާ މުރާބިޠުންނެވެ. އިސްލާމީ އުއްމަތަށް ހަމަ ނިދި ނިދާލުމަށް ފުރުޞަތު ދިނުމަށްޓަކައި އުއްމަތުގެ ފާރަވެރިންގެ ގޮތުގައި ރޭދުވާ ހޭދަކުރަމުންދާ ﷲ ގެ ލަޝްކަރެވެ. މި މަތިވެރި ޢަމަލިއްޔާތުގައި ބައިވެރިވި 19 އަޚުންގެ ޝަހާދަތު ﷲ ޤަބޫލު ކުރައްވާ އެ އަޚުންނަށް ޖަންނަތުލް ފިރްދައުސް މިންވަރު ކޮށްދެއްވާށި. އާމީން
މި ޢަމަލިއްޔާތުގެ ސަބަބުން ޝަރުޢީ ގޮތުން އުފެދޭ ބައެއް ސުވާލުތަކަށް ޢިލްމުވެރިންވަނީ ޖަވާބުދެއްވާފައެވެ. އެ ގޮތުން ޝެއިޚް ޙަމޫދު ބިން އުޤްލާ (رحمه الله) ގެ ”9/11 ގައި އެމެރިކާގައި ހިނގާދިޔަ ކަންތައް ސާފުކޮށްދިނުން“ މި ފޮތުގައި މި ހުރިހާ ޝުބުހަ ތަކެއްގެ ޖަވާބު ޤުރުއާނާއި ސުންނަތުގެ އަލީގައި ދެއްވާފައިވެއެވެ. އެގޮތުން ޢަހުދުގެ ޝުބުހަ، ކުށެއް ނެތް މީހުންގެ ޝުބުހަ، މީސްތަކުން ވަކިވަކި ކުރަން ނޭނގުމުގެ ޝުބުހަ، އެހީތެރިންނާއި ސަޕޯރޓަރުންގެ ޝުބުހަ، އެމީހުންގެ ތެރޭގައި މުސްލިމުން ވުމުގެ ޝުބުހަ ވެސް ހިމެނިފައިވެއެވެ. އެހެންކަމުން ޝަރްޢީގޮތުން މިއީ ކޮންކަހަލަ ޢަމަލިއްޔާތެއްތޯ ބަލާލުމަށް މި ފޮތް ކިޔާލުން ވަރަށް މުހިއްމެވެ. އަދި ނޭނގިތިބެ މުސްލިމުންގެ މިފަދަ މަތިވެރި ޤުރުބާނީތަކަށް ކުޑައިމީސް ބަސްތައް ބުނުމަށް ބިރުވެތިވާށެވެ.
:Reference: http://www.click4islam.com
